VISITAMOS OS SUPERMAIORES!

Dentro do Plan Proxecta Voluntariado Miúdo Móvete! deste curso, unha das actividades que agardabamos con máis ilusión era a visita á residencia dos superavós e superavoas de Ribadumia. Hoxe as familias deixáronos na porta e dentro xa estaban preparados para recibirnos. Foi unha xornada de convivencia xenial. Coñecimos as instalacións, xogamos, preparamos o decorado da obra de teatro Avós cos supermaiores, vimos e participamos na obra de teatro, cantamos, plantamos árbores... Moitísimas grazas aos traballadores da residencia e en especial a Andrés, que organizou a visita e nos acompañou en todo momento. E por suposto, unha aperta a todos os superavós e superavoas que nos recibiron cos brazos abertos e nos acolleron con tanto agarimo. Neste enlace podedes ver un resumo e as fotos no blog da residencia.