DÍA INTERNACIONAL DAS PERSOAS CON DISCAPACIDADE

O 3 de decembro celébrase o Día Internacional das persoas con discapacidade. Desde a nosa escola queremos sumarnos á iniciativa: "Baixo o mesmo paraugas".

CULTURGAL 2019

Un ano máis, a Feira das Industrias Culturais, Culturgal, desenvolverase no Pazo da Cultura de Pontevedra do 29 de novembro ao 1 de decembro. Podedes consultar o Programa infantil e familiar por se vos apetece dar unha volta esta fin de semana e desfrutar de música, contacontos, teatro, libros...

CÍRCULOS, CADRADOS, TRIÁNGULOS...

PANXOLIÑA

Xa temos panxoliña para o festival de Nadal! Deixámosvola para que a escoitedes e a cantedes en familia.

TRÁNSITO DE MERCURIO SOBRE O SOL

O pasado 11 de novembro puido observarse o tránsito de Mercurio sobre o Sol. Quedamos abraiados coa inmensidade do Sol ("Parece lava!") e o pequerrechiño que se vía Mercurio. No vídeo da NASA vese o tránsito de Mercurio no ano 2016.

CONTRA A VIOLENCIA

Hoxe escoitamos unha canción que moitos de nós xa nos soaba e ata sabiamos cantala. Pero...de que fala a canción? Voltamos a escoitala parándoa cada pouco e quedamos sen palabras. A primeira parte fala dunha muller que está triste, ten medo, está atada, ten unha venda nos ollos, un nó na gorxa, un monstro gris na cociña que rompe todo e berra, unha man que non a deixa respirar...Ata que aparece a porta violeta. Cando decide cruzala, a súa vida cambia, síntese libre, canta, corre, grita, ri, pasa a estar rodeada de cor, de árbores que medran...

Cada día milleiros de mulleres sufren violencia física e verbal. Nós somos pequeniños pero formamos parte da sociedade e dicimos NON Á VIOLENCIA e SI Á EDUCACIÓN, AO RESPECTO E Á IGUALDADE.

ASÍ ES MI CORAZÓN

Canto nos gustou este conto cheo de corazóns de cores! Despois de lelo quixemos debuxar moitos corazóns e poñer dentro os nomes de a quen queremos.

DESPEGUE!

AS FASES DA LÚA

Aproveitando que hoxe tocaba traer galletas para a merenda, fixemos as fases da lúa con galletas Oreo. Despois debuxamos planetas, astronautas, estrelas, naves espaciais, meteoritos... e cando o noso espazo quedou listo, probamos a lúa!

30 ANOS DOS DEREITOS DA INFANCIA

As meniñas e os meniños son o sol ao redor do que xiramos. A imaxe de UNICEF que conmemora o 30 aniversario da Convención sobre os Dereitos da Infancia lembrounos o Sistema Solar!

Buscamos información na biblioteca e apareceron varios libros que nos falan dos dereitos dos nenos e das nenas. O libro dos Bolechas fala de respectar as linguas, o sexo e a cor da pel, do dereito a xogar, a ir á escola e a ter unha familia que nos queira e protexa... Dereitos que temos a sorte de gozar. 

PEQUENO AZUL E PEQUENO AMARELO

Porque como di Manuel: Mesturándonos é mellor!

HALCÓN PERDIDO

CONSTRUÍNDO CON PEZAS IMANTADAS

O UNIVERSO NA NOSA ROUPA

Andan aparecendo estreliñas...

MERENDAMOS

Merendas saudables en envases reutilizables hoxe na nosa escola. Comemos ben, comemos san e somos ecolóxicos!

KENQUEOKÉ?

Queredes saber o que lle pasou ao marciano? Deixámosvos algunhas pistas...

O SISTEMA SOLAR

Co profesor Astro Cat e o seu equipo estamos investigando sobre o Sistema Solar. E tivemos a sorte de que Vera, a nosa compañeira da clase do lado, nos deixase ver a maqueta que fixo coa súa familia na casa. Canto nos gustou! Quedamos abraiados co moito que traballaron.