OUTRO PAR DE COMEFROITAS!

CALENDARIO DE ARTE DE LIDIA CAO

Aproveitando que estamos en abril, o mes dos libros, comezamos o noso calendario de arte do curso 24-25. Cada mes irá asociado a un mural de Lidia Cao e a un conto que dalgunha maneira conecta co mural. Cada vez que descubrimos un mural novo sentamos a falar do que aparece e xogamos a pensar que pode ocurrir alí. Despois lemos o conto e tentamos averiguar cal é a conexión co mural correspondente.

Nesta mesma entrada iremos engadindo todo o que vaiamos facendo.

Anisoptera/Amelia quere un can

A unión é vida/Hoy no juegas

Jane Goodall/Jane Goodall

Hic svunt dracones/ ¡Se busca! Lily la liebre ladrona de libros

Construír/ Os tres porquiños

FELIZ DÍA DO LIBRO 2024!

 Moitas grazas á ANPA do CRA de Ribadumia polos contos que nos agasallaron para a nosa biblioteca e polos que levamos para á casa. Encantáronnos!

E que mellor maneira que celebrar o Día do Libro que lendo! Un dos contos que tiña preparados Zapatocas era Ler senta ben, de Todd Parr. E outro que tamén limos foi a historia de Caracol e Vermiño. Queredes coñecela vós tamén?

MÁIS COMEFROITAS DO MES DE ABRIL

 

CAMELIAS SABOROSAS

A proposta para o obradoiro de cociña en familia desta fin de semana era facer unha camelia. E a primeira en chegar foi a de Adán. Que florida e fermosa quedou! 

Moitas grazas a todas por participar!

OS CORAZÓNS DE VALERIA

 Valeria chegou o venres cargada de corazóns que fixo na casa para repartir. Cada un personalizado cun debuxo e o nome da persoa destinataria. Moitas grazas a Valeria e á súa familia. Encantáronnos!

CAMELIAS

 A camelia do noso patio está cargada de flores. Coas que van caendo xogamos fóra: cociñámolas, adornamos pasteis, lanzamos os pétalos ao aire... O venres recollimos algunhas e levámolas para dentro a ver que se nos ocurría facer con elas.

O martes pasado, Zapatocas, que sabe que no patio da nosa escola temos unha camelia preciosa chea de flores, tíñanos preparado o conto: A fada das camelias.

No conto coñecimos a lenda das fadas que coidan as camelias. Sabíades que cada cor relaciónase con algo diferente?Amor, música, imaxinación... Cal é a vosa favorita?

PINGÜÍN

 Hoxe fomos ata Pontevedra a ver a obra de teatro Pingüín no Auditorio de Abanca.  Bobo vai ter un irmán. Aínda que ao principio cústalle aceptalo, ao final comprenderá que gañou un amigo para toda a vida. 

E despois do teatro, merendamos e xogamos no parque antes de regresar ao cole. Que ben o pasamos!

COMEFROITAS DE ABRIL

 Xa chegaron os primeiros Comefroitas do mes de abril! Moitos parabéns!

NÓS TAMÉN COIDAMOS O MONTE!

 Onte fomos ata Baroña, en Porto do Son, convidados pola Universidade de Vigo para participar nunha actividade dentro do Proxecto Multiforest. O grupo de profesionais que nos recibiu falounos da importancia de coidar o noso monte e de todo o que podemos atopar nel: vexetación, animais... Despois plantamos castiñeiros, cereixeiras e freixos. Árbores pequeniñas que co paso dos anos medrarán e darán os seus froitos. Logo de merendar e antes de despedirnos repartiron unha bolsa de agasallos para cada un. Moitas grazas polo convite! Aprendimos moito!

JANE GOODALL FAI 90

 Esta semana limos na prensa que a primatóloga Jane Goodall fixo 90 anos. Afondamos un pouco máis na súa historia e soubemos que desde moi pequena quixo dedicarse a defender e estudar os chimpancés. Que de meniña tiña un peluche ao que lle tiña moito agarimo e que hoxe en día segue traballando acompañada sempre do seu chimpancé de peluche que come unha banana e dun colgante co mapa de África, o continente onde viven os seus queridos primates.

EL FAMOSO FAQUIR DE GRANCABEZA

 

O COFRE DO TESOURO

 

A proposta para o obadoiro de cociña en familia desta fin de semana era facer o cofre do tesouro. Despois do barco pirata, dos peixiños que atopamos polo camiño, da illa e do mapa, só quedaba atopar o tesouro. A primeira que o atopou foi a pirata Lara. Parabéns e moitas grazas a todas por participar!

Lara e o seu cofre do tesouro

Adán e o seu cofre do tesouro