CURSO 2021-22

IMOS A PRIMARIA!

 

Queridos Diana, Juan, Marta, Manuel e Carla. Hoxe remata a vosa etapa de Educación Infantil. En setembro comezades Primaria! Que sorte ter compartido con vós estes tres anos! Xa sabedes que aquí tedes unha chea de amigos. Ímosvos botar moito de menos. Esperamos as vosas novidades. Unha aperta moi grande e feliz verán!

FESTA FIN DE CURSO

 Hoxe despedimos o curso en Leiro. Que ganas tiñamos de facer unha festa da auga! Agardamos a que saíra o sol e alá fomos! Unha mañá diferente na que disfrutamos moito. Que teñades un moi feliz verán. Vémonos en setembro.

BOLSAS DE VERÁN

 Estivemos a preparar as bolsas onde imos levar os traballos do terceiro trimestre. Son bolsas de tea que pintamos con rotuladores para téxtil. Os nosos debuxos acompañaranos todo o verán levando a toalla e a merenda á praia, á piscina ou de paseo pola beira do río. Quedaron tan preciosas grazas á axuda da profe Olalla, que foi quen de sacar o artista que cada un de nós levamos dentro. Feliz verán!

COMEFROITAS VARIADAS E DE TEMPADA

 Ao longo do curso fomos aprendendo o nome de moitas froitas. Algunhas xa as coñeciamos, outras non. Agora que xa lles poñemos nome e "cara", podemos animarnos a probalas todas.

E se as cereixas son da cerdeira dos avós,
mellor que mellor!

MATEO, REI COMEFROITAS DE XUÑO

 

SE QUERES SER UN BO PEIXE, PONTE A BAILAR!

 Hoxe coñecimos a científica Uxía e o peixeiro Roque. Con eles mergullámonos no mar para atopar peixes (robaliza, lubina, sardiña, pescada e peixe sapo) mariscos (nécoras, percebes, vieiras) e algas (argazo). E despois...a bailar, peixiños!

A METADE PARA TI, A OUTRA METADE PARA MIN

 Por parellas, tocounos medio animal que había que completar. Se xa teño unha pata, cantas teño que debuxar? A ti tocouche a cabeza! Voulle poñer máis plumas. As tartarugas comen leitugas, vou debuxar algunha para que as coma. Eu vou debuxar algún ovo. Pois eu ovos e pitiños!

E ESTE PEIXE ONDE VAI?

 

As monitoras de Ti si que es bo peixe deixáronnos uns pósters e unhas pegatinas para pegar neles. Hoxe investigamos onde podían ir colocadas e aprendimos os seus nomes. Os nove habitantes do mar aparecen na canción que estivemos aprendendo para o vídeo. Queredes coñecelos e saber cales son as súas propiedades?

AS RAÍÑAS COMEFROITAS DO MES DE XUÑO

 

VAIA MENÚ DE BOS PEIXES!

 Levar o menú de Ti si que es bo peixe para á casa fixo que puidésemos compartir coas nosas familias todo o que traía. Así animámonos a probar novos sabores e incluír nas nosas dietas o peixe de forma diferente. Moitas grazas polas fotos, Peixiños!

EXCURSIÓN VIRTUAL TI SI QUE ES BO PEIXE

 Que ben o pasamos hoxe coas actividades que viñeron facer na escola Paula e Teresa de Ti si que es bo peixe. Mariscamos no areeiro, medimos as capturas co calibre para ver se tiñan a talla mínima e aprendemos que se son moi pequenas hai que devolvelas ao mar para que sigan medrando. Tamén pescamos coas redes e vimos como é unha nasa. Os peixes pequenos cóanse polos buratos das redes porque non poden pescarse. Hai que deixalos medrar no mar! Despois simulamos unha poxa na lonxa e aprendimos en que zona vive cada especie: os mexillóns e percebes pegados ás rochas, as vieiras na area, as sardiñas nadando polo medio, os rodaballos polo fondo...

E para degustar os produtos do mar levamos para á casa un menú elaborado con peixe. Unha xornada solleira e divertida na que aprendimos moito e pasámolo xenial. Nós si que somos bos peixes!