MATERIAL COMPLEMENTARIO E LIBRO DE INGLÉS PARA O CURSO 2018-2019

Tamén na porta da escola podedes consultar a lista de cadernos de matemáticas e o libro de inglés que empregaremos o vindeiro curso 2018-2019.

GRAZAS PROFE MARÍA. QUERÉMOSTE!

Ás veces ocurre que na vida te cruzas con persoas que deixan pegada. Persoas que aparecen un bo día e sen darte conta “conectas” con elas. E ves que xunto a elas todo flúe, que traballas a gusto, que compartes pensamentos sen falar, que os seus nenos e nenas son un pouco teus e os teus un pouco dela, que cando dubidas dáche o empurrón que necesitas, que sempre ten unha man para axudarche… Esa persoa é a profe María. Ao longo de sete anos traballou polo cole tanto que é imposible poñelo en palabras. Foi profe, directora, compañeira e amiga. Quitou tempo de onde non o tiña, folgos de onde case non había e tirou para adiante en momentos difíciles. Tivo éxitos, tamén erros (quen non os ten?) pero é innegable que se esforzou cada día en facelo o mellor posible.

Porque es especial, porque es boa xente, por deixar pegada nas vidas dos nenos e nenas que foron pasando pola Escola de Ribadumia ao longo de todos estes anos e axudarnos a medrar como persoas, queremos darche as grazas. Querémoste, Profe María! Moita sorte na túa nova aventura!

ORLA 2015 -2018

Queridos Breixo e Rodrigo,

Hoxe remata a vosa etapa de Infantil e comeza o verán! Unha chea de días para descansar, xogar, ler e pasalo moi ben. En setembro, cando voltedes ao cole, comezaredes Primaria. Que maiores! Unha nova aventura para a que xa estades preparados. Desde a Escola de Ribadumia a profe e os vosos compañeiros e compañeiras mandámosvos unha chea de bicos. Querémosvos moito!! Vinde visitarnos!!

FESTA DE FIN DE CURSO

Un ano máis reunímonos en Sisán para celebrar a chegada do verán e que o curso chegou ó seu fin. Un día cheo de emocións, unha festa con contacontos en inglés da man de Kids&Us,  trucos do mago Xocas e os bailes que todas as escolas levaban preparando con moitas ganas estes últimos días.

Tamén tivemos ocasión de ver o Stand co que participamos no Congreso Aliméntate Ben.

Moitas grazas ao equipo da ANPA do CRA de Ribadumia que con tanto agarimo prepara actividades e está disposto a botar unha man no que se necesite. Moitas grazas ás familias que convidaron á merenda e que asistiron ao festival para animar e aplaudir os seus peques. E moitas grazas á profe Olalla de Música, a profe máis bailonga do cole!

Desde a Aula de Ribadumia B desexámosvos un moi feliz verán. Se hai algunha novidade publicarémola no blog. Vémonos en setembro!

CUMPLES DOS MESES DE VERÁN

Hoxe rematou o curso na Escola de Ribadumia. Mañá será a festa de fin de curso no Pavillón de Sisán. E non podiamos marchar sen que os compañeiros e compañeiras que cumplen anos nos meses de verán fixeran a súa torta. Despois da festa e de xogar no patio as familias viñeron buscarnos e axudáronnos a levar os traballos e algunha que outra sorpresa, ademais dun novo número da revista ZAPATOCAS, que resume o curso 2017/18. Agardamos que vos guste!

REVISTA ZAPATOCAS Nº 17

Recén chegada da imprenta, a revista escolar Zapatocas acada o número 17. Un resumo de todo o curso que agora remata: festas, saídas, proxectos, Plan Proxecta... Agardamos que vos guste e que a disfrutedes lendo en familia!

O COELLIÑO BRANCO

Non podía faltar O coelliño branco para despedir os martes de biblioteca en Leiro deste curso.

PEIXIÑOS E CONTOS

Hoxe levamos para as nosas casas o conto: De onde vén o leite? co que nos agasallaron desde Feiraco e tamén os peixiños que fixemos coa profe Belén.

ESTE SÁBADO...FESTIVAL DO ESTÍO

Se queredes máis información, picade neste enlace do blog LittleVigo. Para os que non o coñezades, botádelle un ollo en xeral porque trae moita información interesante para disfrutar cos peques.

CUMPLES DOS MESES DE VERÁN

PLASTILINA E PALILLOS: QUE FACEMOS?

ELISA E O RATIÑO PÉREZ

OS LIBROS DA MERENDA

Hoxe queremos recomendarvos unha colección de contos que nos gusta moito: Os libros da merenda.

Nós no cole só temos catro títulos pero en canto poidamos temos que conseguir os demais. Son contos pequenos, escritos con rimas, de debuxos sinxelos e moi divertidos. Unha boa opción de lectura agora que chega o verán!

XA CHEIRA A SARDIÑAS!

BREIXO TRAE OVOS DE CHOCOS

Hoxe Breixo trouxo ovos de chocos para que coñecéramos de primeira man como son. Tocámolos e eran suaves e brandos, estaban fríos e escorregadizos e manchaban as mans de negro! Abrimos un para ver que tiña dentro e parecía xelatina. Breixo contounos que seu pai vai facer un vídeo de como nacen os choquiños para que poidamos velos. Tamén buscamos na Guía que temos na clase e Breixo díxonos que a foto que máis se parecía aos chocos era a da lura.

O vídeo de como nacen as sepias no Acuarium Finisterrae

A CEBRA CAMILA

FESTIVAL SOLIDARIO II SOLIFESTI

Se tedes ocasión, achegádevos esta tarde ao Festival Solidario no Campo da Festa do Mosteiro (Meis) ás 19:00. Recadación de fondos para o pobo sirio.

CONTACONTOS: LIMÓN DE ÓSCAR VILLÁN

Coa chegada das cereixas e dos amorodos, o Limón de Óscar Villán fíxose limonada no contacontos que houbo hoxe na Escola de Ribadumia. Vaia merendola!