Deixámosvos toda a información para facervos socios da ANPA do CRA de Ribadumia. Desde hai anos a ANPA vén facendo un labor fundamental organizando actividades, dando charlas, aportando material e axudas, conseguindo melloras, colaborando co cole...
Para unirvos á ANPA e facervos socios, picade na imaxe. Se queredes visitar o seu Facebook, picade aquí.
A profe Marina aprendeunos unha canción do outono que nos gustou moito. Hoxe sacamos os rotus e as témperas e a pintar!
Traballando coa prensa, unha noticia chamounos a atención. Están entrenando uns cans para que detecten co olfacto o coronavirus en dez segundos. Neste proxecto, que están a desenvolver no aeroporto de Helsinki, participan científicas e ata o de agora faise con voluntarios. Se queredes saber máis, picade nas noticias e mirade o vídeo.
O ano pasado cando investigamos o Universo aprendimos que a Terra tarda un ano en dar a volta completa ao Sol. Cada vez que celebramos o noso aniversario, pasa un ano máis e sumamos unha nova volta. No mes de setembro, Marta fixo 5 e Luciana acaba de facer 4. Cantamos con elas e contamos as voltas que deu a Terra ao Sol desde que naceron. Parabéns, raíñas!
Cando saimos ao patio aparecen animais pequerrechiños por todas partes. Un dos que máis nos chama a atención é o caracol. Hoxe Martín atopou un, construiulle unha casiña e coidouno con moito agarimo.
Onte puidemos comprobar canto medrou a tartaruga Borja desde o mes de marzo que deixamos de vela. Case non parece a mesma tartaruga! Custounos recoñecela porque está enorme. Hoxe quixemos facela con plastilina e quedounos moi colorida.
Este ano o inicio das clases vai vir marcado polas recomendacións sanitarias e será moi diferente ao dos anos anteriores. Dende a escola estamos traballando para cumprir cos protocolos que acaban de publicarse e ter todo listo dende o primeiro día nun entorno seguro. Nos vindeiros días poñerémonos en contacto con todas as familias por teléfono ou correo electrónico para informarvos de posibles novidades e aclarar dúbidas. Polo pronto lamentamos comunicarvos que a reunión fixada para o vindeiro 10 de setembro non poderá realizarse. As instrucións publicadas pola Consellería establecen un comezo gradual como recolle a seguinte resolución: http://www.edu.xunta.gal/portal/sites/web/files/resolucion_incorporacion_gradual.pdf. Tendo en conta isto, na nosa aula os nenos e nenas de 3 e 4 anos incorporaranse o día 10 de setembro (3 anos, seguindo o horario do período de adaptación, de 11 a 13 horas, e 4 anos de 9:00 a 13:45 horas) e os nenos e nenas de 5 anos, o día 11 de setembro en horario de 9:00 a 13:45 horas.
