Que pode ter que ver Rosalía de Castro co noso proxecto anual da Prehistoria? Pois o respecto e o amor pola natureza.
O poema de Rosalía fala de rosas e caraveis, fala de parras e "pámpanos", fala de árbores cubertas de follas verdes. Fala, en fin, desa natureza que desde o principio dos tempos nos dá vida e alimenta e da importancia de coidala para que siga perdurando no tempo.
O pasado 23 de febreiro celebrouse o Día de Rosalía e como non podía ser doutra forma, na proposta para o obradoiro de cociña en familia desta fin de semana quixemos unirnos á iniciativa do Caldo de Gloria. Recitamos o poema Miña casiña, meu lar e vimos o vídeo do cociñeiro Xanqui Ameixeiras, onde prepara o saboroso caldo na Casa de Rosalía en Padrón.
A primeira en mandar o seu caldiño foi Sofía, collendo forzas para ir celebrar o Entroido á tarde coa súa famila. De seguro que o van pasar requetebén! Moitas grazas por participar!
 |
| Sofía e o seu Caldo de Gloria |
 |
| O Caldo de Gloria de Manu con todos os seus ingredientes saborosos |
Alma e Sofía veñen de acadar a súa coroa de raíñas Comefroitas do mes de febreiro! Parabéns, mociñas!
Dentro do programa Ti si que es un bo peixe, incluído no Plan Proxecta+ Aliméntate Ben, fomos de excursión ao porto do Grove. Alí recibíronos para levarnos á lonxa e coñecer como funciona unha poxa. Despois visitamos a praza de abastos, onde as peixeiras nos amosaron toda a variedade de peixe que tiñan e rematamos a mañá cunha saborosa merenda mariñeira.
O venres 17 de febreiro celebramos no Auditorio de Ribadumia o festival de Entroido. O tema era a Prehistoria e as rúas enchéronse de trogloditas, mamuts e dinosauros. Unha mañá chea de maxia, bailes e música.
Moitas grazas ás familias por preparar os disfraces e participar con tanto agarimo. E pola merenda! Moitas grazas tamén á ANPA do CRA de Ribadumia polas decoracións. Quedaron verdaderamente espectaculares!
Que teñades uns moi felices días de Entroido!
A proposta para o obradoiro de cociña en familia desta fin de semana xa cheira a Entroido: facer caras de filloas. A ver que caras divertidas nos saen!
 |
 |
| Alma e as súas filloas |
 |
| Vaia cara de filloa ben divertida lle saíu! |
 |
| Aroa aproveitou que foi a un pintacaras e colleu ideas para facer a súa cara de filloa |
 |
| Sofía e Elisa puxeron caras divertidas para acompañar a cara de filloa |
 |
| Cara de filloa coa lingua fóra! |
 |
| Valeria e as súas caras de filloas |
.jpg) |
| Adán preparando as súa cara de filloa |
.jpg) |
| A cara de filloa de Adán |
