ALEXIA FAI 3

 Hoxe foi o aniversario da nosa compañeira Alexia e no cole acompañámola nas súas tres voltas ao sol e vimos canto medrou nas fotos que trouxo. Moitos parabéns, Alexia!

MANU E ALMA FAN 4

 Hoxe por fin celebramos os aniversarios de Manu e de Alma. Acompañámolos nas súas catro voltas ao redor do sol e vimos nas fotos canto foron medrando. Moitos parabéns!

CHEGA...DANIELA PIRATA!

 

O proxecto anual deste curso será: De piratas e tesouros. E Zapatocas, que sabe moito de historias e contos, tíñanos unha sorpresa hoxe na biblioteca: o libro de Daniela pirata para a nosa aula, un barco e unha chea de cartolinas con motivos piratas para disfrazarnos. Levantamos áncoras!

BOLBORETA DE UVAS

 

O primeiro obradoiro de cociña en familia deste curso tiña que ter como protagonista unha das froitas de tempada: as uvas. E aquí vos deixamos as bolboretas saborosas que nos mandastes. Moitas grazas por participar, familias!

Adán e a súa bolboreta

A bolboreta de Adán

Aroa e a súa minibolboreta

Lara e a súa bolboreta de uvas

Alma e a súa bolboreta

A bolboreta de Alma

CHEGAN AS PRIMEIRAS COROAS DOS COMEFROITAS!

 Manu e Nicolás estrearon as súas coroas de Reis Comefroitas do mes de setembro. Parabéns, mociños!

E Lara tamén conseguiu a súa coroa de Raíña Comefroitas. Moitos parabéns, mociña!

IMOS A LEIRO!

 Hoxe comezamos a ir a Leiro. Un zapatocas pirata recibiunos na biblioteca desexando comprobar canto medramos no verán e cos novos marcapáxinas preparados para estrear o empréstito. Felices lecturas en familia!

TEMPO DE VENDIMA

 

MÚSICA

 Hoxe a profe Olalla presentounos a clase de música. Coa cadeliña pirata Max imos cantar, bailar, tocar instrumentos musicais e pasalo en grande ao longo do curso.

CHEGOU O CURSO 23-24!

Chegou setembro e con el o comezo do novo curso, os reencontros, as novidades... Mentres nos afacemos á rutina, compartimos xogos, merendas, bailes, contos, cancións...e pouco a pouco imos coñecéndonos para facer grupo. Feliz curso 23-24!