Co que lle gustan os puntos a Yayoi Kusama, seguro que lle encantaría este conto! Un puntiño que se vai transformando en diferentes obxectos e un lobo que ten moita fame son os protagonistas deste divertido álbum ilustrado. Partindo dun rectángulo aprendimos a debuxar un lobo e partindo dun puntiño: unha cereixa, un paxaro, unha xoaniña, unha nena e un caranguexo.
mércores, 30 de marzo de 2022
martes, 29 de marzo de 2022
¡OH, OH, LA PELOTA!
venres, 25 de marzo de 2022
CALENDARIO DE ARTE DE YAYOI KUSAMA
Xa comezamos o noso calendario de arte! Este ano adicado á artista xaponesa Yayoi Kusama. 12 dos seus cadros ilustrarán cada un dos meses do vindeiro curso 2022-2023. Estivemos xogando a adiviñar os títulos de cada un deles e colocámolos na porta da nosa aula creando unha galería con todas as súas obras. Quedounos ben colorida!
POESÍA
O 21 de marzo celebrouse o Día da Poesía e ao longo de toda a semana, na hora de ler, estivemos lendo o libro Abezoo. Cada letra, un animal. Cada animal, un poema. Un dos que máis nos gustou foi o da Señora Iguana.
xoves, 24 de marzo de 2022
ELEFANTES DE CORES
Na India queren moito os elefantes. Adórnanos e píntanos de moitas cores para participar en festas e desfiles. Vimos varios vídeos que nos suxeriron a profe Ángeles e a clase de Leiro que nos gustaron moito e aproveitamos para ler Elmer, a historia dun dos elefantes máis famosos da literatura inantil.
mércores, 23 de marzo de 2022
MARUXA, HIXIENISTA DENTAL
Hoxe visitounos Maruxa, a hixienista dental que nos veu contar como coidar dos nosos dentes e da nosa saúde. Falounos dos alimentos que producen carie e da importancia de lavar os dentes tres veces ao día durante tres minutos. Tamén dimos a volta ao mundo coñecendo os hábitos alimenticios de animais como oso panda, o koala e a foca. E soubemos cantos dentes ten cada un deles! Finalizamos a visita cun agasallo onde podemos atopar unha merenda saudable e un cepillo de dentes listo para estrear. Moitas grazas pola visita, Maruxa! Aprendimos moito contigo!
martes, 22 de marzo de 2022
EL ORINAL DE FAYÁN
El orinal de Fayán é un conto moi orixinal e divertido ambientado no Antigo Exipto. Picando aquí podedes ler unha reseña. Tanto nos gustou que decidimos debuxalo a toda cor con ceras brandas e témperas no papiro que fixemos coa profe Olalla con vendas e café.
PRIMAVERA!
Chegou a Primavera e quixemos darlle a benvida facéndonos unha foto de grupo para ver canto medramos desde setembro. Levamos uns días que non falta ninguén e estamos moi contentos de estar xuntos!
venres, 18 de marzo de 2022
A INDIA
A nosa volta ao mundo chega á India xusto o día no que se celebra o festival Holi, un festival cheo de cor que celebra a chegada da primavera.
Mirade no vídeo canto ten a India por coñecer!
mércores, 16 de marzo de 2022
O NOSO CONTO DE ENTROIDO
Encántanos o noso conto de Entroido. Xa o contamos varias veces. Saber que é unha historia nosa, que inventamos xuntos, que somos protagonistas de todo o que vai ocurrindo fai que gocemos coa súa lectura cada vez que voltamos escoitala. Debuxámola?