Adriana e a súa familia sacaron disfraces e papeis de cores, recortaron, pegaron, escribiron, debuxaron e convidaron a Dana e ao seu gato Félix a participar na recreación do libro de poemas Mi primer verso.
Moitas grazas a Adriana e a súa familia por participar!
Sofía convertiuse en Ricitos de Oro para recrear a portada dun dos seus contos favoritos! Ata ten un oso na colcha! Moitas grazas a Sofía e a súa familia por participar!
Alexandre recreou a portada dun dos seus contos preferidos: El pequeño pirata Serafín. Cun disfraz de pirata e moita imaxinación, convertiuse en Serafín voando na gaivota Carlota. E ademais trouxo o conto ao cole para compartilo con nós!
Moitas grazas a Alex e a súa familia por participar!
Os nenos e nenas da aula de Leiro fixeron dous descubrimentos no seu patio: un formigueiro e unha planta coa que facer un ramiño. Compartírono con nós e aproveitando que hoxe non choveu fomos coñecer o traballo das formigas. Levámoslles unhas miguiñas dun bocata e axiña as foron carrexar dentro do formigueiro. Non paraban de entrar e saír! Despois fomos apañar as plantas para o ramiño e polo camiño atopamos dous tipos diferentes de trevos: uns con debuxos verdes e outros con corazóns vermellos.
Os ramiños fixémolos con tremedeiras, tamén coñecidas con outros nomes: bailarina, pendientes, corazoncillo... Diana díxonos que ela lles chamaba "lágrimas de cocodrilo". Neste enlace tedes máis información.
A profe Ana solicitou ao CEIDA a Maleta Viaxeira: Contos para un Planeta. Unha maleta chea de lecturas que puidemos disfrutar ao longo de todo un mes os martes na biblioteca de Leiro. Coñecimos a Lola e os problemas dos plásticos que acaban no mar; tamén a Bosque, un oso polar que por mor do desxeo foi apartado da súa familia; aprendimos como temos que facer se queremos evitar que os paxaros batan contra os vidros das ventás e descubrimos as vantaxes dunha horta colaborativa (aínda que iso xa hai anos que o sabemos grazas á profe Ana!).
Unha iniciativa fantástica con literatura infantil de calidade para poñer o noso gran de area no coidado do planeta que habitamos e compartimos.
Hoxe Adriana quixo compartir con nós unha bolboreta "disecada" que trouxo da casa nun bote. Quedamos fascinados cos debuxos e as cores das súas ás. Moitas grazas Adri e familia!
Xa empezan a saír profes nos contos! Animádevos a participar!
