O 3 de decembro celebrouse o Día Internacional da Discapacidade. Nós quixemos participar na iniciativa Baixo o mesmo paraugas, reivindicando para todas as persoas o seu lugar na sociedade e a súa inclusión. Respecto para todas as persoas, valorando as súas capacidades.
Así coñecimos a Teresa Perales, unha deportista cunha traxectoria brillante en natación, que tivo que reinventarse cando unha enfermidade a deixou nunha cadeira de rodas aos 19 anos. Non podía camiñar, nin correr e buscou un deporte que puidera seguir facendo. Así, descubriu que podía nadar perfectamente. Púxose a entrear e traballar arreo día tras día e leva gañadas tantas medallas "que non se dan contado". Tamén acadou o Premio Princesa de Asturias do Deporte en 2021. Teresa é muller, nai e deportista de elite. Brava, Teresa!
Ningún comentario:
Publicar un comentario