O pasado xoves 19 de abril recibimos aos nosos amigos de Ponlle as pilas ao teu bocata. Viñan falarnos dos beneficios de incorporar peixe en conserva á nosa dieta. A verdade é que nós xa somos uns grandes entendidos no tema de poñerlle as pilas aos nosos bocatas así que lles demos a benvida cos brazos abertos. Vaia merendola que nos trouxeron!
E despois da merenda e de xogar no patio recibimos a visita dunha voluntaria da Protectora de Cambados que viña acompañada de tres canciños. Contounos as súas historias, púxonos un vídeo de como funcionaba a protectora e falounos da importancia das adopcións responsables. Ter un animal da casa require un compromiso grande! E nós que formamos parte do Voluntariado miúdo, quixemos colaborar con eles traendo unha chea de bolsas con comida, produtos de limpeza, obxectos para o mercadiño solidario... Moitas grazas pola vosa visita!
Ningún comentario:
Publicar un comentario