Picando na imaxe accederedes ao programa da XVIII edición do Salón do Libro de Pontevedra, que este ano leva como título: O mundo que queremos e que se celebrará do 10 de marzo ao 2 de abril. Xa levamos un tempo traballando no cole o libro que será o fío condutor do salón: Escaquis e Romeu, e que nos enviou o noso amigo o lobo ORBIL. Como é unha historia un pouco longa para nós, fixemos unha adaptación axudados polas ilustracións de Jacobo Fernández Serrano. Así puidemos coñecer a fantástica historia do barbeiro Romeu e de como apareceu Escaquis na súa vida.
Este ano participamos tamén no Salón do Libro cunha maqueta da nosa visión do mundo que queremos e como traballamos para conseguilo desde a escola. A maqueta formará parte da exposición no Pazo da Cultura de Pontevedra.
Deixámosvos a nosa adaptación do libro de Escaquis e Romeu. Non deixedes de ler a historia completa!
Ningún comentario:
Publicar un comentario