Pois por fin hoxe tivemos novas do noso amigo Zapatocas! Chegamos á biblioteca e alí estaba a caixa coa tapa pechada. Moi amodiño fomos petando e chamando por el, non fora a ser que estivese a durmir e levase un susto! Pero como non escoitabamos nada, decidimos abrir a caixa e... sorpresa! Zapatocas non estaba pero deixáranos unha carta! Despois de lela moi atentamente soubemos que anda a facer o Camiño de Santiago, que nos escribe desde un albergue e que viaxa a pé cunha mochila moi atento ás sinalizacións para non perderse. Dentro da caixa había tamén dous libros: Do A ao Z Galicia e Do A ao Z Camiño de Santiago, así como unha chea de fotos. Zapatocas convídanos a investigar sobre Galicia e o Camiño de Santiago e mergullarnos con el nunha nova aventura. Estades preparados?? Pois collede a mochila, que marchamos!
Ningún comentario:
Publicar un comentario