AS TRASNADAS DA ELFA FILOMENA: PARECE QUE NEVA!

 

A elfa Filomena convidounos a xogar coa neve. Así que nos puxemos mans á obra e mirade que ben o pasamos.

AS TRASNADAS DA ELFA FILOMENA: UN NADAL DE CINE

 

Hoxe cando chegamos atopamos a elfa Filomena e todos os bonecos da nosa aula preparados para unha sesión de cine. Así que nós tamén nos apuntamos!

AS TRASNADAS DA ELFA FILOMENA: CONTOS DE NADAL

 A elfa Filomena recibiunos hoxe con contos. Parece que tiña moitas ganas de contárllelos aos bebés da nosa escola. Despois tocounos a nós. Canto nos gustaron!

BAIXO O MESMO PARAUGAS

 

Chegamos á biblioteca e Zapatocas recibiunos debaixo dun paraugas e cun libro: El cazo de Lorenzo. Aquí podedes ler un breve resumo e unha reseña do conto.

Ao rematar o conto, falamos do que alí acontecía e todos quixemos formar parte do grupo de persoas que axudan cando vemos a alguén con dificultades e contribuír a que a vida lles sexa máis doada. Así, coidándonos entre todos e respectándonos, construiremos un mundo máis xusto e solidario. Unidos, levantamos os nosos paraugas como símbolo de apoio, solidariedade e compromiso cunha sociedade máis inclusiva e igualitaria.

AS TRASNADAS DA ELFA FILOMENA: ADOBÍOS DE NADAL

 Foi chegar á escola e atopar todos os adobíos de Nadal estrados: bolas, árbore, fitas... Pero isto que é? Non podía ser outra cousa que unha trasnada da elfa Filomena, que nos miraba desde alá arriba. Puxémonos mans á obra e a nosa escola foi vestíndose de Nadal. Ai, Filomena! Canto traballiño nos dás!

CHEGOU DECEMBRO!

 E co novo mes, as sorpresas do calendario de Papá Noel. A encargada ou encargado levará cada día a sorpresa que garda o peto correspondente e un reno para a árbore de Nadal da súa casa. Benvido, decembro!

RODOLFO EL RENO

 A proposta para o obradoiro de cociña en familia desta fin de semana era facer a Rodolfo, o reno máxico de Papá Noel. Moitas grazas a todas por participar!

No cole escribimos a receita e vimos o vídeo da panxoliña. 

Despois fixemos a nosa versión de Rodolfo e falamos da importancia de respectarnos e de non burlarnos dos compañeiros.

O primeiro reno que chegou voando foi o de Eric e a súa familia. Moitas grazas a todas por participar!

Eric colocando o nariz máxico de Rodolfo

Case listo!

A que quedou fantástico?

Pois agora a almorzar!

O reno Rodolfo de Eric

Carmen poñendo as boliñas á árbore

Colocamos o tronco e todos os pauciños

E xa temos listo a Rodolfo e a árbore de Nadal!

Agora a comer, que é a parte máis importante. 
Bo proveito!

Pero cantos renos hai na casa de Alma?