Alí estaba Zapatocas, a mascota da biblioteca, agardando por nós. Sabedes que este curso podemos retomar o empréstito de contos? Pois si! E xa levamos o primeiro libro para as nosas casas na bolsa vermella. Tedes toda a semana para gozar coa súa lectura en familia.
Tamén coñecimos a Mimi, a mascota da aula de inglés, saímos ao xardín a apañar abelás e traballamos en informática coa profe Iria. Un martes moi atarefado!
Hoxe fixemos un xogo coas vogais e a letra L. Levámolo para á casa e así poder facelo en familia.
Hoxe coa profe Olalla enchimos de música e bailes a nosa aula. Que ben o pasamos! Os luns a primeira hora, máis!
Semana de reencontros, novas amizades e xogos compartidos. Comeza un novo curso!
Un ano máis, coa volta ao cole, a Fundación Alain Afflelou pon en marcha a súa Campaña escolar en favor da saúde visual facendo unha revisión de balde para nenas e nenos de entre 5 e 7 anos e agasallando as lentes graduadas en caso de necesitalas.
Picade aquí para máis información.
Queridas familias,
Este ano o inicio das clases vai vir marcado polas
recomendacións que marca o Protocolo
de adaptación ao contexto da COVID-19 nos centros de ensino non universitario
de Galicia para o curso 2021-2022. Dende a escola estamos traballando para
cumprir coas indicacións marcadas e ter todo listo para comezar desde o
primeiro día nun entorno seguro. A reunión de principio de curso non poderá
celebrarse presencialmente así que nos vindeiros días poñerémonos en contacto
con todas as familias por teléfono ou correo electrónico para informarvos das
novidades e aclarar as posibles dúbidas que poidan xurdir.
O horario do xoves día 9 de setembro para o alumnado de
4 e 5 anos será de 9 a 13:45 horas. O alumnado de 3 anos incorporarase en
horario de 11:00 a 13:00 horas.
