Conta a lenda, recollida pola escritora Emilia
Pardo Bazán, que un grovense tiña un burro afectado dunha enfermidade da pel.
Ao non ter o valor para sacrificalo, preferiu deixalo abandonado na Illa da
Toxa, pensando que pola súa enfermidade non tardaría en abandonar este mundo.
Pasado un tempo e coa intención de enterrar os
restos do animal, regresou á Illa e atopouno con vida, curado e rebolándose nuns
lodos.
Contan que así foron descubertas as
propiedades curativas das augas termais
que nacen na Illa da Toxa e que deron lugar a un dos primeiros
balnearios de Galicia.
Na edición dixital da Voz de Galicia vimos
unha noticia que falaba da inauguración dunha escultura relacionada con esta
lenda. Se pasades por alí, mandádenos unha foto!
Ningún comentario:
Publicar un comentario