
Imaxe: Ricardo Liniers Siri
mércores, 30 de xuño de 2021
martes, 22 de xuño de 2021
IMOS A PRIMARIA!
FESTA FIN DE CURSO
Hoxe despedimos o curso en Leiro. Que ganas tiñamos de facer unha festa da auga! Agardamos a que saíra o sol e alá fomos! Unha mañá diferente na que disfrutamos moito. Que teñades un moi feliz verán. Vémonos en setembro.
venres, 18 de xuño de 2021
BOLSAS DE VERÁN
Estivemos a preparar as bolsas onde imos levar os traballos do terceiro trimestre. Son bolsas de tea que pintamos con rotuladores para téxtil. Os nosos debuxos acompañaranos todo o verán levando a toalla e a merenda á praia, á piscina ou de paseo pola beira do río. Quedaron tan preciosas grazas á axuda da profe Olalla, que foi quen de sacar o artista que cada un de nós levamos dentro. Feliz verán!
COMEFROITAS VARIADAS E DE TEMPADA
xoves, 17 de xuño de 2021
SE QUERES SER UN BO PEIXE, PONTE A BAILAR!
Hoxe coñecimos a científica Uxía e o peixeiro Roque. Con eles mergullámonos no mar para atopar peixes (robaliza, lubina, sardiña, pescada e peixe sapo) mariscos (nécoras, percebes, vieiras) e algas (argazo). E despois...a bailar, peixiños!
A METADE PARA TI, A OUTRA METADE PARA MIN
Por parellas, tocounos medio animal que había que completar. Se xa teño unha pata, cantas teño que debuxar? A ti tocouche a cabeza! Voulle poñer máis plumas. As tartarugas comen leitugas, vou debuxar algunha para que as coma. Eu vou debuxar algún ovo. Pois eu ovos e pitiños!
venres, 11 de xuño de 2021
E ESTE PEIXE ONDE VAI?
xoves, 10 de xuño de 2021
VAIA MENÚ DE BOS PEIXES!
Levar o menú de Ti si que es bo peixe para á casa fixo que puidésemos compartir coas nosas familias todo o que traía. Así animámonos a probar novos sabores e incluír nas nosas dietas o peixe de forma diferente. Moitas grazas polas fotos, Peixiños!
mércores, 9 de xuño de 2021
EXCURSIÓN VIRTUAL TI SI QUE ES BO PEIXE
Que ben o pasamos hoxe coas actividades que viñeron facer na escola Paula e Teresa de Ti si que es bo peixe. Mariscamos no areeiro, medimos as capturas co calibre para ver se tiñan a talla mínima e aprendemos que se son moi pequenas hai que devolvelas ao mar para que sigan medrando. Tamén pescamos coas redes e vimos como é unha nasa. Os peixes pequenos cóanse polos buratos das redes porque non poden pescarse. Hai que deixalos medrar no mar! Despois simulamos unha poxa na lonxa e aprendimos en que zona vive cada especie: os mexillóns e percebes pegados ás rochas, as vieiras na area, as sardiñas nadando polo medio, os rodaballos polo fondo...
E para degustar os produtos do mar levamos para á casa un menú elaborado con peixe. Unha xornada solleira e divertida na que aprendimos moito e pasámolo xenial. Nós si que somos bos peixes!