OS ÚLTIMOS COMEFROITAS DO MES DE NOVEMBRO

 Parabéns, Nicolás e Aroa!

A ÁBORE DE NADAL

A proposta para o obradoiro de cociña desta fin de semana era facer unha árbore de Nadal. Moitas grazas a todas por participar!

A primeira en chegar foi a árbore de Alma.

Alma e a súa árbore de Nadal

Adán e a súa árbore de Nadal

A árbore de Nadal de Adán

Aroa e a súa árbore de Nadal

QUE VÉN O CAIMÁN NEGRO!

 

Un novo experimento relacionado con Daniela Pirata. Lembrades ao principio da historia que ocurría cando aparecía o Caimán Negro? Que todos os barcos escapaban atemorizados! O mar nun prato, barquiños de pementa negra e o noso dedo mollado en xabón será o Caimán Negro. Que farán os demais barcos cando o barco de Orella Cortada apareza?

NAVEGANDO POLO MAR DA IGUALDADE

 

MÁIS COMEFROITAS!

 Parabéns, Rodrigo!

O MELLOR ARCO DA VELLA

 Na Voz de Galicia limos unha noticia onde sae unha foto da Torre de Hércules da Coruña enmarcada nun arco da vella ben grande e vistoso. Conta que A Coruña é unha das cidades onde mellor se ve o arco da vella. Vimos cales son as sete cores do arco, en que orde aparecen e como se forman cando chove e fai sol. 

Tamén xogamos cos bloques traslúcidos e o sol que entraba pola ventá.

E para rematar, un experimento!

TEMOS DEREITOS

 

O 20 de novembro celébrase o Día Internacional dos dereitos da infancia. Zapatocas tíñanos preparado un libro que fala dos nosos dereitos. Fomos comprobando se os tiñamos ou non: un nome, apelidos, unha familia que nos queira, unha casa, alimentos, escola, médicos... Saber que hai nenas e nenos no mundo que teñen que traballar e non poden ir á escola, que viven en guerra, que pasan fame...a iso si que non hai dereito!

EQUILIBRIOS

 

DÍA INTERNACIONAL CONTRA A VIOLENCIA DE XÉNERO

 O vindeiro 25 de novembro celébrase o Día internacional contra a violencia de xénero e nós quixemos aportar o noso gran de area nunha xuntanza na que compartimos xogos e contacontos pola igualdade.

MENSAXES SECRETAS ENTRE PIRATAS

 

Daniela pirata recibiu unha carta e cando a abriu para lela, atopouse cun papel en branco. Como era posible que a súa amiga pirata lle mandara unha mensaxe onde non poñía nada? Investigando, investigando, enterouse de que a mensaxe era secreta e para poder lela tiña que pintar por riba dela cunha mestura de cúrcuma e alcohol. A profe Olalla axudounos a descubrir os secretos da tinta invisible e de como podemos facer para poder ler unha mensaxe secreta.

MÁIS COMEFROITAS!

 Ao longo desta semana, Manu, Alma e Lara acadaron cadansúa coroa de Comefroitas do mes de novembro. Parabéns!

MULLERES CIENTÍFICAS

 

No libro Inventoras y sus inventos atopamos dúas mulleres pioneiras en salvamento marítimo: Martha Coston, que inventou a bengala marítima, e Maria Beasley, que inventou o bote salvavidas. Estivemos vendo vídeos de como funcionan as bengalas de salvamento no mar e tamén de como foron evolucionando os botes salvavidas ata os nosos días. E aprendimos a debuxar un barco vendo un vídeo moi sinxeliño.