Queridas Alexia, Elia e Lara:
Como é posible que xa pasaran tres anos desde que chegastes ao cole? Que axiña pasa o tempo! Xa estades listas para comezar a vosa nova aventura en Primaria! Ímosvos botar moito de menos. Queremos que saibades que vos queremos moitísimo e que aquí sempre teredes a vosa escoliña. Estamos desexando que veñades a visitarnos e nos contedes o ben que vos vai. Unha aperta enorme para as tres e feliz verán!
.jpeg)
.jpeg)
Hoxe celebramos a festa de fin de curso en Sisán. Xogamos, compartimos a merenda, bailamos coa música de Javi Solla e rematamos a xornada coa actuación que preparamos coa profe Olalla para as familias e o reparto das orlas para as nosas graduadas. Esperamos que o pasárades moi ben! Feliz verán a todas! Vémonos en setembro!
.jpeg)
.jpeg)
.jpeg)
.jpeg)
.jpeg)
.jpeg)
O último día de cole na escola de Ribadumia fixemos pulseiras de cores para darlle a benvida ao verán e despois merendamos de picnic!
Ao longo do curso imos gardando o papel dos bocatas e o último día sempre facemos unha eiruga larpeira con todas as boliñas que temos. Esta vez conseguimos unha ducia de bolas!
Hoxe despedímonos da biblioteca do cole ata setembro. Devolvimos o último conto que levamos para a casa e vaia sorpresa! Zapatocas tiña un agasallo para cada un: un xogo de moldes de area! Da man de Lúa, Crocodilo e os seus amigos fomos descubrindo que monumento representaba cada molde: a Torre de Pisa, o Coliseo de Roma, o Partenón, o Taj Mahal e o Templo de Kukulcán. Libros e praia! Que boa combinación para o verán! Tamén nos levamos os marcapáxinas que empregamos ao longo de todo o curso e as maiores que pasan a Primaria o seu carné da biblioteca de recordo. Moitas grazas, Zapatocas! Que teñas ti tamén un feliz verán e vémonos en setembro!
.jpeg)
.jpeg)
.jpeg)
Cada fin de curso, a árbore da nosa escola deséxanos un bo verán vestíndose de flores. Mirade que fermosura...
.jpeg)
.jpeg)
.jpeg)
.jpeg)
