CUMPLE DO MES DE DECEMBRO

O noso compañeiro Pablo está de cumple nas vacacións de Nadal e quixemos acompañalo nas súas 5 voltas ao redor do sol. Parabéns, Pablo! Canto medraches!

FELICES FESTAS!

 

FESTIVAL DE NADAL 2024

 Hoxe celebramos o festival de Nadal do CRA de Ribadumia no Auditorio. Acompañados dos maiores da residencia Domus VI e das nosas familias, cantamos, bailamos panxoliñas e recibimos a visita do Apalpador. Antes fixemos fotos na aldea de Nadal que fixeron e prepararon as familias da ANPA con tanto agarimo. Tamén tivemos o contacontos de Nadal da compañía Trinke Trinke e recibimos o ano novo con Pocoyó. Moitas grazas a todas pola vosa participación e pola merenda. Estaba ben saborosa! Vémonos á volta das vacacións, o mércores 8 de xaneiro. Felices festas!!

AS TRASNADAS DA ELFA FILOMENA: TRABALLO EN EQUIPO!

Ata o ano que vén, Filomena! Moitas grazas pola túa visita e que teñas un bo Nadal!

AS TRASNADAS DA ELFA FILOMENA: A CANTAR E BAILAR PANXOLIÑAS!

 Hoxe a elfa Filomena traía un micrófono e unhas luces e transformounos a escola nunha discoteca de Nadal. Houbo quen se animou a cantar só, en parella... Rodolfo el reno, el burrito sabanero...foron desfilando. O que non quixo saír fixo os coros: tuki, tuki, tuki, tukiiiiii...

SEMPRE NADAL NA BIBLIOTECA

 

Hoxe Zapatocas tíñanos preparado un conto que nos leva a reflexionar: Se o Nadal trae tantas cousas boas: ledicia, xuntanzas, comidas compartidas, xogos, sorpresas...por que non sempre é Nadal?

Felices festas, Zapatocas! Vémonos á volta das vacacións, no 2025!

AS TRASNADAS DA ELFA FILOMENA: MANUALIDADES DE NADAL

A elfa Filomena enterouse de que estamos preparando o festival de Nadal e quixo axudarnos. Tróuxonos orellas de ratos, cans e gatos para que fixéramos as diademas da panxoliña que imos cantar e bailar ese día. E tamén nos animou a facerlles un agasallo sorpresa en forma de postal aos maiores da residencia Domus VI que están convidados. A ver que se nos ocorre... 

REI MAGO

 

A proposta para o último obradoiro de cociña en familia deste 2024 era facer un Rei Mago. Moitas grazas a todas por participar! A vindeira receita xa será no 2025!

Eric facendo a coroa do Rei Mago

A que quedou chulo?

Pretiño da árbore de Nadal

E agora a merendar coma un rei!

Alma, Tito e o seu Rei Mago favorito

Rodrigo e o seu Rei Mago

Adán e o seu Rei Mago

COMEFROITAS DO MES DE DECEMBRO

 

AS TRASNADAS DA ELFA FILOMENA: XOGAMOS?

 

Hoxe a elfa Filomena tiña unha chea de xoguetes preparados cando chegamos. E que fixemos? Pois xogar!

BONECO DE NEVE

 Coa profe Olalla estivemos facendo bonecos de neve para colgar na árbore. A que quedaron simpáticos?