Na nosa cociña podemos argallar unha chea de menús con ingredientes moi variados. Apetécevos algo de froita de tempada? Verdura da horta? Peixe fresco?
Imaxe: Ricardo Liniers Siri
sábado, 11 de decembro de 2021
xoves, 9 de decembro de 2021
MARTÍN FAI 5
Hoxe acompañamos a Martín nas súas 5 voltas ao redor do sol. Parabéns, Martín! Canto medraches!
UN RENO IMPOSTOR
O conto de Nadal de hoxe fálanos dunha cebra que se disfrazou de reno para poder acompañar a Papá Noel a repartir os agasallos. Cando Papá Noel a descubriu decidiu que cada ano ía agasallar a un animal diferente a un reno a posibilidade de tirar da zorra e vivir unha noite máxica. Cadaquén decidiu a que animal lle tocaba este ano. Mirade canta variedade!
venres, 3 de decembro de 2021
BAIXO O MESMO PARAUGAS
O 3 de decembro celébrase o Día internacional das persoas con discapacidade. Un ano máis quixemos sumarnos á iniciativa "Baixo o mesmo paraugas" abrindo os nosos paraugas e escribindo unha frase positiva para darlle apoio e visibilidade ás persoas con discapacidade. Moitas grazas a todas as familias pola vosa participación!
Tamén limos o conto Os meus amigos especiais e coñecimos un neno que é un fenómeno xogando ao baloncesto en cadeira de rodas. A maioría non sabiamos que se podía xogar ao baloncesto en cadeira de rodas e buscamos un vídeo onde vimos varios equipos en acción. Quedamos impresionados coa forza que fan cos brazos para empurrar a cadeira, coas regras do xogo adaptadas á situación dos xogadores, como teñen que amarrar a cadeira ás pernas, as caídas que sofren, a velocidade coa que se desprazan, as canastas que meten...
 |
| Baixo o mesmo paraugas construindo un mundo mellor e sobre todo con respecto. |
 |
| Los libros, las mentes y los paraguas solo sirven si se abren. |
 |
| Baixo o mesmo paraugas por un mundo sen barreiras. |
 |
| Abro o meu paraugas para que se refuxie nel todo aquel que o precise. |
SOFÍA FAI 4
Mañá Sofía está de aniversario e hoxe acompañámola nas súas 4 voltas ao redor do sol. Parabéns, Sofía! Canto medraches!
LA NAVIDAD MARCIANA
No conto de hoxe Pedro viaxa a Marte e cóntalles aos Glups! como se celebra o Nadal na Terra. Viaxou realmente o foi un soño?
Subscribirse a:
Publicacións (Atom)