UN BECHO ESTRAÑO

Mira que mira, mirando, atopei un becho estraño...

CARNÉ DE INVESTIGADORES E DIPLOMA DE ARQUITECTOS

Pois si, parece que a nosa aventura con Sabela está chegando ao seu fin. Ao longo do curso aprendimos moito con ela, investigamos na casa, no camiño e na escola. Así que xa somos investigadores e arquitectos con carné e diploma. Grazas Sabeliña!

A MIÑA TÍA

Aquí nos tedes ensaiando o baile de fin de curso: bailando, cantando, saltando... Se queredes escoitar a canción que eliximos para a festa, mirade o vídeo.

O PLANO DA NOSA ESCOLA

No libro de Sabela aparecía o plano da súa escola, unha escola moi grande, con dous andares, unha chea de aulas de infantil e primaria, comedor, biblioteca, aula de música... A nosa escola é máis pequena e hoxe miramos o plano, recoñecimos a nosa aula e o noso baño, a zona da entrada, a aula e o baño da outra clase e o patio.

Despois, aproveitando que facía bo tempo, decidimos saír fóra e como fan os mestres arquitectos, debuxar a nosa escola fixándonos moito para non perder detalle. Vaia escola bonita que temos!

O XORNAL DAS BOAS NOVAS

Ao longo de varios meses fomos recortando novas da prensa que falaran de solidariedade, boas iniciativas, voluntariado... novas que ao lelas nos fixeran sentir ben e nos deran ideas para medrar como persoas. Con todas elas estamos elaborando o noso xornal das boas novas e engadíndolles debuxos da nosa colleita que teñan relación, para que quede aínda máis bonito.

OS PLANOS DA CASA DOS AVÓS DE SABELA

Hoxe en pequenos grupos miramos os planos da casa dos avós de Sabela e xogamos a adiviñar o nome dos lugares que alí aparecían: cuartos, cociña, baño, salón... Tamén descubrimos mesas e cadeiras, o baño, as camas, estanterías con libros... E así, desde a planta baixa fomos subindo á planta primeira e finalmente ao faiado, onde Sabela atopou as zocas máxicas no baúl e o arco da vella entraba pola fiestra.

VOLUNTARIADO MIÚDO EN ACCIÓN

Unha vez máis poñémonos as pilas para axudar os demais. Desta vez traendo roupa usada e calzado que a Fundación Glorr recollerá e así poder reunir fondos para os máis necesitados. Se queredes participar nesta campaña, tedes ata o 8 de xuño para entregar as vosas bolsas en Leiro.