FESTA DOS MAIOS 2015

Hoxe celebramos a festa dos maios en Leiro. Démoslle a benvida á primavera cantando, facendo colares de flores e vestindo ao maio. Un ano máis darlles as grazas ás profes Ana e Ángeles, que tanto traballo pasan poñendo o noso maio así de precioso. E moitas grazas tamén a Sofía, a mamá de Uriel, que fixo posible, xunto co demais músicos, que a nosa festa se enchera de muiñeiras, jotas, pasosobres... da man do tambor, a gaita, o bombo e as pandeiretas. Moitas grazas a todos por colaborar coa escola na educación dos vosos meniños e meniñas. Que pasedes unha feliz fin de semana. Vémonos á volta, o martes 5 de maio!

SAÍDA A PONTEVEDRA. A NENA E O GRILO NO PAÍS DAS APERTAS. EXPOSICIÓN: O GRAVADO DE PICASSO A BARCELÓ

CELEBRANDO O DÍA DO LIBRO 2015

Vaia sorpresa que levamos! Despois da merenda apareceron coma por arte de maxia tres músicos: Montse, Rosana e Jose, acompañados dun saxofón, dunha guitarra eléctrica e dun tambor. Montaron o decorado e nun plis-plas, comezou a actuación. Primeiro cantamos para comezar con bo pé e nesas estabamos cando petaron na porta. E quen era? Un cabaleiro, nun cabaliño montado, que nos falou do Día do Libro e de Cervantes. Co que nos gustan a nós os libros, os contos e as historias! Os músicos de Bremen e A cebra Camila fixéronnos rir e pasalo pipa. Tamén cantamos no intermedio e mesmo rapeamos!! E para acabar, un agasallo: un marcapáxinas dos músicos de Bremen! ( Rodrigo lembrounos que é e como se emprega, por se había algún despistado) 

Moitísimas grazas aos tres músicos que con tanto agarimo prepararon esta festa do día do libro: Montse, Rosana, Jose, sodes os mellores. O voso esforzo levou premio: toda unha escoliña chea de nenos e nenas disfrutando co voso traballo. Ata a próxima, cando queirades! Un bico enorme para os tres!

DIANA FAI 5

FÉLIX VOLTA Á CASA

OS TRES PORQUIÑOS NO AUDITORIO MUNICIPAL DE RIBADUMIA

FÉLIX EN BERLÍN

Na derradeira carta que Félix mandou a Sofía desde Australia, prometeulle que ía voltar no seguinte avión á casa porque a botaba moito de menos. Sofía vive en Berlín, a capital de Alemania. Desta vez a Félix non lle fai falta escribir ningunha carta a Sofía. Logo de aterrar no aeroporto de Frankfurt, Félix collerá un tren que o deixará por fin en Berlín. Sofía e papá irán agardalo á estación. Félix trae un mapa con todos os lugares que leva visitado!! Xa de volta á casa, percorrerán xuntos a cidade de Berlín e con eles iremos coñecendo os lugares máis famosos e as curiosidades desta cidade alemana.