O martes pasado Zapatocas quixo celebrar o Día Internacional da muller cunha nova aventura de Daniela pirata ilustrada por Gómez: Daniela e as mozas pirata. Así coñecimos as Pirañas Intrépidas, unhas mozas pirata buscadoras de tesouros que non dubidan en axudar a todos os que van atopando no seu camiño: desde sereas e tritóns ata submarinos e baleas. Cando chega o momento no que elas precisan axuda, Daniela e a súa tripulación saen ao rescate. Vivan as mozas pirata!
A proposta para o obradoiro de cociña en familia desta fin de semana era facer a Illa do tesouro. A primeira en chegar foi a de Adán. Terra á vista! Parabéns, piratas! Moitas grazas a todas por participar!
 |
| Adán e a súa Illa do tesouro |
 |
| Alma e a súa Illa do tesouro |
 |
| Valeria e a súa Illa do tesouro |
Hoxe recibimos a Mar e Rocío, as nais de Manu e Valeria. Viñan cargadas con todo o necesario para facer un obradoiro de cociña moi especial preparado cun agarimo extraordinario. Que ganas tiñamos de participar e de ver como ían aparecendo as madalenas e as gominolas como por arte de maxia. Estaba todo ben saboroso e aínda sobrou para levar para á casa e compartilo en familia. Moitas grazas por participar nestas xornadas para poñer en valor as mulleres das nosas vidas. Sodes fantásticas!
Hoxe convertimos a nosa escola nun laboratorio. Andrea e Patri, as nais de Adán e Lara, chegaron cargadas de material para facer experimentos. Con elas descubrimos o fluido non newtoniano, fantasmas espumosos, como trasfegar auga dun vaso para outro cunha palliña e debuxos que flotan como barcos. Moitísimas grazas por vir pasar este ratiño con nós e polo extraordinario agarimo con que preparáchedes todo. Sodes fantásticas! Esperamos que o pasárades tan ben coma nós!
Hoxe coñecimos a Alba, a tía de Pablo. Chegou cargada de sorpresas e cada vez que nos descubría unha nova, a nosa clase enchíase de maxia: música, baile, movemento, luces, instrumentos musicais... E todo preparado cun agarimo extraordinario. Moitísimas grazas, Alba! Encantounos coñecerte e pasar este ratiño contigo.
Hoxe inaugurouse o Salón do Libro de Pontevedra, que chega este ano á súa 25 edición. Do 1 ao 17 de marzo o Pazo da Cultura de Pontevedra encherase de MAXIA: libros, presentacións de novidades, contacontos, teatro, música...
A proposta para o obradoiro de cociña en familia desta fin de semana era facer un peixe de froitas. O primeiro en chegar foi o peixe amigo da sereíña Alma. Moitas grazas a todas por participar!
 |
| O peixe da sereíña Alma |
 |
| Lara e o seu peixe |
