Presentamos a receita do bocata MEIXIBA, elaborado por Adriana e a súa familia onde o protagonista é o mexillón en conserva. Se queredes probalo non tedes máis que preparar os ingredientes necesarios, seguir as súas instrucións e xa o tedes listo para comer. Bo proveito, peixiños!
Por fin chegou o día no que puidemos facer unha saída pola contorna cos compañeiros e compañeiras da outra clase. Saímos rumbo aos muíños do Batán camiñando en parellas, escoitando o canto dos paxaros, o son das campás da igrexa, a auga do río Umia ao pasar polos muíños... Un día de sol no que observamos a primavera en todo o seu esplendor e rematamos merendando e xogando á sombra dos carballos da Carballeira de Ribadumia.
.jpeg)
.jpeg)
.jpeg)
.jpeg)
.jpeg)
Este 2022 homenaxea o escritor Florencio Manuel Delgado Gurriarán no Día das Letras Galegas. Soubemos máis del lendo a biografía que facilitou o Seminario Galán e achegámonos aos seus poemas para participar no Concurso das Letras Galegas 2022 organizado pola ANPA do CRA de Ribadumia.
.jpeg)
.jpeg)
Que importante aprender a pensar por un mesmo e non seguir o que din os demais sen reflexionar antes! O extraterrestre de Rocío Bonilla axúdanos a poñernos na pel dos demais, a ser críticos con situacións inxustas que suceden e que podemos cambiar, a non ser cómplices dos abusos, a formar parte do cambio para mellorar o mundo que nos rodea.
Soubemos de tres xogos que se inventaron na China: o dominó, o tangram e o mikado. Xogamos con eles e descubrimos que hai moitos tipos de dominós: con puntiños, con debuxos de froitas, formas, animais... O mikado é un xogo ao que hai que xogar con moito coidadiño. Non é nada doado!
Estes foron os fantásticos deseños cos que participamos no concurso Deseña unha xoia para a túa nai, convocado polo Colexio Oficial de Xoiaría de Galicia. Dous deles, o de Sofía e Atenea, quedaron finalistas e recibiron cadanseu diploma e agasallo. Parabéns, mociñas!
 |
| Parabéns, Sofía! |
 |
| Parabéns, Sofía! |
 |
| Parabéns, Atenea! |
