FACEMOS IOGA

De vez en cando facemos ioga. Gústanos moito este vídeo. Por se queredes probar na casa, aquí volo deixamos.

LÚA

Coñecedes o conto de Lúa? Pois preguntade a calquera da nosa clase, que axiña volo contan-cantan! Lúa e os seus amigos chegaron para quedar.

MOITO OLLO CO ABROLLO!

No Faro de Vigo do martes pasado vimos unha noticia que falaba do abrollo e puxémonos a investigar un pouco máis sobre esta planta. A profe trouxo nunha caixa transparente un anaco con varias sementes para poder observalas e...vaia pinchos que teñen! O abrollo é o responsable da chea de pinchazos que houbo ultimamente nas bicicletas que pasean por Vilagarcía. Hai que andar con moito coidado se a vemos porque pode pincharnos os pés se imos descalzos e ter conta das nosas mascotas porque se as pisan poden mancarse nas patas. Así que xa sabedes: moito ollo co abrollo!

NAVES ESPACIAIS

Canto nos gustou este libro! 

E despois debuxamos marcianos. Como nunca vimos ningún, puxémoslles ollos, brazos, antenas, patas e todo o que se nos foi ocurrindo. Un variado de marcianiños!

AVISO ANPA ACTIVIDADE PISCINA

CUMPLES DO MES DE SETEMBRO

FESTA DO DEPORTE 2019 CONCELLO DE RIBADUMIA

O Concello de Ribadumia celebrou a Festa do deporte o venres pasado e convidounos a participar. No pavillón e no Auditorio practicamos diferentes deportes, algúns coñecidos e outros novos. Non paramos máis que para merendar e repoñer forzas. Deixámosvos as fotos e os vídeos para compartilos en familia.