Desde que apareceron os trompos de Nadal na nosa aula todos os días nos gusta facelos bailar antes de marchar. Facemos parellas ou pequenos grupiños e imos pasando o trompo agardando que o trompo que fixo bailar o compañeiro pare só para que nos toque. E se non sae á primeira, tentámolo outra vez! Practicando aos pouquiños cada vez nos sae mellor!
Un ano máis, a elfa Filomena veu visitarnos á nosa escola. E o primeiro que fixo foi buscar os adobíos de Nadal e deixalos ciscados. E ela toda enleada nas cintas! Ai, Filomena! Menos mal que nos tes a nós para botarche unha man...
A profe Ana contounos a historia dos elfos de Papá Noel que nos visitan no mes de decembro e toda a maxia que nos traen coas súas trasnadas.
Benvida, Filomena!
