Hoxe comezamos as propostas para cociñar en familia. Cada venres traballaremos na aula unha receita cos ingredientes que nos fan falla para facela e levarémola dentro da mochila para á casa. Animádevos a participar e convertirvos nunha familia de chefs! E non esquezades facer algunha foto para compartir no blog!
Estreamos a tempada de cociña con: Coches de mazá e uvas. Se queredes ver o ben que o fixeron na escola de Leiro, picade aquí.
.jpeg)
Houbo quen as mesturou, quen as cortou, quen as amasou, quen fixo boliñas de cores... cadaquén decidiu como quería xogar coas cinco moedas de plastilina que a profe Olalla nos repartiu. Mans á plasti!
.jpeg)
.jpeg)
No mes de setembro, Manu e Alma fixeron 3 aniños. E hoxe acompañámolos nas súas tres voltas ao sol mirando nas fotos que trouxeron canto medraron. Parabéns, mociños!
.jpeg)
Chegaron os Comefroitas para presentarse e animarnos a traer froita para a hora da merenda. Se a traemos e comemos toda, gañaremos un corazón para o noso álbum. A comer san!
Triángulos, círculos, cadrados, rectángulos...buscamos por formas, clasificamos por cores, fixemos torres, creamos paisaxes e obxectos...
.jpeg)
Comezamos a ir os martes a Leiro! Na biblioteca coñecimos a Zapatocas, que nos deu a benvida e nos convidou a facer uns marcapáxinas cos que poder levar un libro en empréstito para á casa cada semana. Tamén pode tocarnos levar a mochila viaxeira, como levou hoxe Rodrigo. Felices lecturas!
.jpeg)
.jpeg)
.jpeg)
Na aula de inglés coñecimos a Archie, a mascota. Tamén fixemos psicomotricidade co profe Ro e despois do recreo coñecimos a tartaruga Borja, visitamos o xardín e a horta e fomos á aula de informática.
Unha xornada completa chea de novidades que fomos descubrindo ao longo da mañá.
 |
| Alma co conto da biblioteca na súa casa |
Os contos da colección de Kalandraka Do berce á lúa sempre son acollidos con moito entusiasmo. Porque se un conto xa nos gusta, un conto cantado encántanos.
A primeira que coñecimos foi a Lúa e os seus amigos: Sol, Caracol, Reiseñor, Corazón e Xirasol.
Contamos, cantamos e debuxamos os personaxes.
.jpeg)
Chegou setembro e a Escola de Ribadumia volta abrir as súas portas para recibirnos. Moitas cariñas novas nesta primeira semana e outras coas que xa tiñamos ganas de reencontrarnos. Ata o 16 de setembro o alumnado de nova incorporación virá á escola en horario reducido para irse adaptando. Momentos para coñecer os novos espazos, as rutinas, compañeiros, profes... Facendo grupo pouco a pouco, compartindo xogos. Que teñades un moi feliz curso e benvidos á vosa escola!
.jpeg)
.jpeg)
.jpeg)
.jpeg)
.jpeg)
